Алматыда массаж салоны атын жамылған жезөкшелер үйі анықталды

None
None
АЛМАТЫ. ҚазАқпарат - Алматылық полицейлер жедел іс-шара барысында жезөкшелер үйін анықтады, деп хабарлайды ҚазАқпарат.

Қалалық полицияның мәліметінше, жезөкшелер үйі Медеу ауданының элиталық секторында орналасқан. Тек тұрақты, сенімді клиенттерге ғана қызмет көрсеткен.

«Оны Ақмола облысынан келген 31 жастағы В. есімді әйел басқарды. Оның Қарағанды, Алматы және Солтүстік Қазақстан облыстарынан келгендерді жұмысқа тартқаны анықталды.Сонымен қатар, Өзбекстан мен Ресей Федерациясының азаматтары да бар. Бұл элиталы үйге кіру оңайға соқпады. Мұнда тек тұрақты, сенімді клиенттерді ғана ішке кіргізеді, тіпті көліктерінің нөмірлерін де ешкім танымас үшін пленкамен жауып тастаған. Үш қабатты ғимаратта сауна мен спа-салон да бар», – деді Алматы қалалық Полиция депаратаменті бастығының орынбасары Берік Әбілбеков.

Бұған дейін салон иесі осындай әрекеттері үшін қылмыстық жауапкершілікке тартылған.

«Бұл жолы оның әрекеттері ҚР ӘҚбК-нің 450-бабына сәйкес саралауға жатады. Шешім қабылдау үшін өндірістік материалдар сотқа жіберіледі»,- деді полиция өкілі.


Соңғы жаңалықтар