Алматыда MART сауда орталығындағы адамдар шұғыл эвакуацияланды

АЛМАТЫ. ҚазАқпарат – Алматыдағы MART сауда орталығындағылар эвакуацияланды, деп хабарлайды ҚазАқпарат тілшісі.

Әлеуметтік желіде адамдарды эвакуациялау туралы ақпарат пайда болды. Видеода «Mart» сауда ойын-сауық орталығына жарылғыш зат қойылғаны туралы айтылады.

Полиция департаментінің баспасөз қызметі аталған сауда орталығында жарылғыш зат туралы хабарлама түскенін растады.

«Қаланың төтенше жағдайлар қызметі, ең алдымен, ішіндегі адамдар үшін қауіпсіздік шараларын қабылдады. Орталық қызметкерлерінен 40-қа жуық адам эвакуацияланды, бұл уақытта іште келуші болған жоқ, ол әлі ашылмаған еді. Саперлер тексеруге кірісті», - деп хабарлады полициядан.