Алматыда мамандандырылған ХҚО-ның 5 қызметкері жұмыстан шығарылды
Мемлекеттік корпорация құқық бұзушылықтардың алдын-алу үшін қызметкерлер арасында жиі тексеріс жұмыстарын жүргізеді. Нәтижесінде бүгін Алматы қаласындағы мамандандырылған ХҚО-да ішкі істер органдарының қызметкерлері заңсыз ақшалай қаражат алды деген күдікпен фронт-офистің екі инспекторын ұстады.
Сондай-ақ, биыл он ай ішінде мемлекеттік қызмет көрсету стандарттарын бұзу бойынша 29 дерек анықталды. 36 жұмысшы тәртіптік жазаға тартылып, 5 жұмысшы жұмыстан шығарылды.
«Көліктерді тіркеу мерзімін қысқарту және қызметті алу барысында адами фактор болмас үшін электрондық үкімет порталында жүргізуші куәлігін ауыстыру және автокөлікті тіркеу қызметтерін онлайн тәртіпте алу мүмкіндігі енгізілді», - делінген Азаматтарға арналған үкімет» мемлекеттік корпорациясы Алматы қалалық филиалының баспасөз қызметі таратқан хабарламада.