+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алматыда «қызыл» аймақтың карантиндік шектеулері тағы 7 күнге созылады

2021 жылғы 25 қазан 20:09
Бөлісіңіз:
Алматыда «қызыл» аймақтың карантиндік шектеулері тағы 7 күнге созылады

АЛМАТЫ. ҚазАқпарат- Алматыда коронавирус инфекциясы таралуының алдын алу жөніндегі жедел штабтың кезекті отырысы өтті, деп хабарлайды ҚазАқпарат тілшісі.

Ұқсас жаңалықтар
Алматыда 122 мыңнан астам қария вакцина алды Биыл Алматыда 205 көше жөнделді Алматыда 2 мыңнан аса қоғамдық көлік жүреді

Алматы әкімі Бақытжан Сағынтаевтың төрағалығымен өткен отырыста санитарлық-эпидемиологиялық жағдайды тұрақтандыру және қала тұрғындарын вакциналау қарқыны жөніндегі шаралар қаралды.

Инфекцияның таралу қарқыны бойынша қаланың «қызыл» аймақтан «сарыға» өтуіне қарамастан, шектеулер тағы бір аптаға сақталады. Әуежай, теміржол және автовокзалдар да, сондай-ақ оқу орындарында профилактикалық шараларды күшейту жалғасуда. Көршілес Ресейдегі эпидемиологиялық ахуалдың нашарлауына байланысты алматылықтар санитарлық-эпидемиологиялық шараларды сақтауды жалғастырып, індетке тосқауыл қою үшін вакциналану қарқынын күшейту қажет. Ресей мен Еуропа елдерінен келгендер дерттің кезекті өсуіне жол бермеу үшін бақылауға алынады. Бүгін мобильді бригадалар әуежайда, теміржол вокзалдарында және автовокзалдарда кезекшілік етеді. Әуежайда халықаралық ұшып келу залдарында температурасы бар жолаушыларды анықтау үшін 7 стационарлық байланыссыз тепловизор орнатылған, келгендерге сауалнама жүргізіледі.

Тағы бір тепловизор ішкі рейстер залында орналасқан. Бұдан өзге, әуежай Ashyq жобасына қатысушы, онда осы жылдың 21 мамырынан бастап «қызыл» мәртебесі бар 257 және «сары» мәртебесі бар 54 адам анықталды.

Бақытжан Сағынтаев жұқтыру динамикасының төмендеуіне қарамастан, санитарлық дәрігерлер мен эпидемиологтардың шектеу шараларын сақтау жөніндегі ұсыныстарына жіті назар аудару керектігін атап өтті.

Шектеу шаралары елдің бас мемлекеттік санитарлық дәрігерінің қаулысына сәйкес 7 күн бойы жалғасады. Бәсеңдеу немесе күшейту мәселелері қаладағы эпидемиологиялық ахуалдың дамуына байланысты қаралатын болады.
Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT