+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Алматыда қылмыс 20,6% азайды

2019 жылғы 17 қыркүйек 10:15
Бөлісіңіз:
Алматыда қылмыс 20,6% азайды

АЛМАТЫ. ҚазАқпарат – Алматыда соңғы үш жылда қылмыстық ахуал тұрақты күйінде қалып отыр. Жалпы қылмыс деңгейі 20,6% төмендеді, деп хабарлайды ҚазАқпарат тілшісі.

Алматы қалалық Полиция департаментінің басшысы Серік Күдебаевтың айтуынша, ауыр және аса ауыр қылмыстар – 34,9%, ұрлық – 23%, қарақшылық шабуыл – 18,9%, бұзақылық – 64%, бөтеннің мүлкін ұрлау – 11,5%, зорлау – 25,3% және бопсалау 2 есеге азайды. Сондай-ақ есірткі қылмыстары 2,1 есеге төмендеген.

«Негізгі бағыттар бойынша қылмыстардың бетін шұғыл ашу жақсарды, атап айтар болсақ, ауыр қылмыстар – 11,6%, пәтер ұрлығы – 11,9%, басқалардың мүлкін иемдену – 35,6%, қасақана ауыр дене жарақатын келтіру – 4,4%, бұзақылық – 20,6%, автокөліктерді ұрлау – 3,3%. Қалада қабылданған кешенді ұйымдастырушылық және практикалық шаралар қылмыстық жағдайды тұрақтандыруға мүмкіндік берді. Алматы қаласы әкімінің тапсырмасына сәйкес, департамент қызметтері 2 ауысымдық режімде патрульдеу жұмысын ұйымдастырды. Көшеде және қоғамдық жерлерде жасалған қылмыстарды талдау нәтижелері бойынша, қалада ішкі аумақтарды қамти отырып, 67 криминогендік патрульдеу учаскелері жасалды. Әрбір патрульдік маршрут үшін сипаттама, жоспар-тапсырма, маршрут диаграммасы және криминогендік орындар белгіленді. Күн сайын жаяу патрульдік жасақтардың жұмысын бақылау жұмыстары ұйымдастырылды. Ай сайын біз қаладағы қылмыстық жағдайды талдауға сүйене отырып, жаяу және көлік патрульдік бұйрықтарына уақыт пен орынға қатысты талдау жүргіземіз», - деді Серік Күдебаев.

Сонымен қатар, қоғамдық орындарға учаскелік полиция бекеттері орнатылды.

«Жалпы, 32 учаскелік полиция бекетін орнату жоспарланған, әр ауданда – төрттен. Бұл бекеттер заман талабына сай жабдықталған. Оларды халық тығыз орналасқан және криминогендік аумақты ескере отырып орнатамыз. Бұл пункттер өте мобильді, қажет болған жағдайда оларды қаланың басқа жерлеріне, қылмыстар мен құқықбұзушылықтар жиі орын алатын жерлерге оңай ауыстыруға болады. Осы мақсатта жедел жағдайға тұрақты талдау жасалады. Полиция бекеттері тәулік бойы жұмыс істейді: күндіз учаскелік инспекторлар тартылады, ал түнде стационарлық пунктте патрульдік қызметкерлер қызмет етеді», - деп қорытындылады Серік Күдебаев.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT