Алматыда құрылыс жабдығы өртенді

АЛМАТЫ. ҚазАқпарат - Алматыда «Қонаев» Өндірістік коопреативінің құрылыс нысанында өрт шықты. Бұл туралы ҚР ТЖМ баспасөз қызметі хабарлады.

«3 мамырда түскі сағат 15:53-те Түрксіб ауданындағы «ЮГ Сэль Туркуаз» ЖШС маңындағы құрылыс жабдығы өртке оранған. Қызыл жалын 800 шаршы метр жерді шарпыған. Өрт сол күні сағат 19:37-де ауыздықталды»,- делінген хабарламада.

Төтенше жағдай департаменті хабарлағандай, жапа шеккендер мен құрбан болғандар жоқ.

Өртті сөндіруге Алматы қалалық ТЖД өртке қарсы қызмет жеке құрамының 45 қызметкері мен 13 арнайы техника жұмылдырылды.