+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Алматыда құрылыс индустриясындағы отандық өндірушілердің үлесі артады

2021 жылғы 15 мамыр 16:18
Бөлісіңіз:
Алматыда құрылыс индустриясындағы отандық өндірушілердің үлесі артады

АЛМАТЫ. ҚазАқпарат – Алматыда құрылыс индустриясындағы отандық өндірушілердің үлесін арттыру жоспарда, деп хабарлайды ҚазАқпарат тілшісі.

Ұқсас жаңалықтар
Түркістанда тұрғын үй құрылысы қарқын алды Түркістанды салуға қанша қаржы бөлінді Ақмола облысында 700 шақырымнан астам жергілікті маңызы бар жол жөнделеді

Жергілікті қамтуды бақылау жөніндегі комиссияның кеңейтілген отырысында Алматы қаласы әкімінің орынбасарлары Мақсат Қиқымов, Мұхит Әзірбаев, Алматы қаласы кәсіпкерлер палатасының өңірлік кеңесінің өкілдері, бюджеттік бағдарламалар әкімшілері, бас мердігерлер мен кәсіпкерлердің қатысуымен мемлекеттік сатып алу кезінде отандық құрылыс материалдарын өндірушілеріне жан-жақты қолдау көрсету туралы шешім қабылданды.

Алматы кәсіпкерлер палатасының директоры Айтуар Қошмамбетовтың айтуынша, бүгінгі таңда құрылыс саласындағы өнеркәсіптік кәсіпорындар толық қуатына жүктелмеген.

Сонымен қатар, ол құрылыс материалдарын сатып алу кезінде жергілікті өндірушілерді қолдау керектігін атап өтті.

Айтуар Қошмамбетовтың айтуынша, Қазақстанда тиісті өндірістер немесе көлемдер болмаған кезде ғана импорттық құрылыс материалдарын сатып алуға рұқсат беретін түзетулер «Тапсырыс берушінің (құрылыс салушының) қызметін ұйымдастыру және функцияларын жүзеге асыру қағидаларын бекіту туралы» заңға 2015 жылы енгізілген.

Алайда, мердігер ұйымдар шетелдік өндірушілердің тауарларын сатып алуды жалғастырып отыр.

Отырыс барысында бас мердігерлердің, тапсырыс берушілердің қатысуымен отандық өндірушілермен кеңес өткізу туралы шешім қабылданды.

Кездесу қорытындысы бойынша Алматы қаласының әкімдігі мен Алматы қаласы кәсіпкерлер палатасының өңірлік кеңесі арасында тұрақты әріптестік қатынастарды жолға қою жөніндегі меморандумға қол қойылды.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT