Алматыда курстасын өлтірді деп айыпталған студент сотталды
2016 жылғы 24 наурыз 12:51

Алматыда курстасын өлтірді деп айыпталған студент сотталды

АЛМАТЫ. ҚазАқпарат - Алматыда Бостандық аудандық сотында өз курстасын өлтірді деп айыпталған Қ.Сəтпаев атындағы ҚазҰТЗУ студенті Тілек Текешовке қатысты сот үкімі шықты, деп хабарлады ҚазАқпарат тілшісі сот залынан.

Бостандық аудандық сотының судьясы Людмила Бектемирова айыпталушы Тілек Текешовті ҚР ҚК 106-бабының 3-бөлімі бойынша 8 жылға бас бостандығынан айырды. Ол жазасын жалпы колонияда өтейтін болды. Сондай-ақ, ол жапа шеккен тарапқа 6,1 млн теңге моральдық-материалдық шығын өтейтін болды.
Қаза болған жігіттің ата-анасы аталған айыпты қатайтып, оны əдейі өлтірді деген бапты енгізуді сұраған болатын. Сот үкімі заңды күшіне енген жоқ. Айыпталушы тарап 15 күн ішінде қалалық сотқа апелляциялық шағым түсіре алады.
Естеріңізге сала кетсек, Қ.Сәтпаев атындағы ҚазҰТУ ғимаратында осыдан бірнеше ай бұрын осы университет студенті Самұрат Жақсылықов өлтірілген болатын. Оның денесі дәретханадан табылды. Куәгерлердің айтуынша, күдікті мен Самұраттың арасындағы ерегіс кітапханадан басталған көрінеді.
Кітапханадан шыққан екеу өзара мәселені дәретханаға барып шешпек болған. Сол кезде күдікті жәбірленушіні пышақтап, өзі оқиға орнынан қашып кеткен. Жедел жәрдем жетемін дегенше С.Жақсылықов университет ғимаратында көз жұмды.

Серіктестер жаңалықтары

Jańalyqtar

Үрдіс

MURAǴAT