Алматыда Құлжа тасжолындағы жолайрықтың эстакадасы ашылды
2021 жылғы 21 қараша 17:13

Алматыда Құлжа тасжолындағы жолайрықтың эстакадасы ашылды

АЛМАТЫ. ҚазАқпарат – Бұқтырма көшесі мен Құлжа тасжолы қиылысында салынып жатқан көлік жолайрығындағы эстакада іске қосылды, деп хабарлайды ҚазАқпарат тілшісі.

Құлжа тасжолы бойымен жүретін көліктерге екі бағытта да жол ашылды. Сонымен қатар енді шығыс бағытта бұрылыс алаңқайына бармастан Бұқтырма көшесінен Құлжа тасжолына бірден бұрылуға болады.

Барлық бағыттағы қозғалысты ашу 2022 жылдың бірінші жартыжылдығына жоспарланған. Төрт және алты жолақты заманауи жолайрығы шығыс айналма автожолын әуежайға апаратын жолмен байланыстырады және учаскенің жүктемесін жеңілдетеді.

Құлжа трактісі бойындағы эстакаданың ұзындығы 784 метр, Бұқтырма көшесіндегі туннель 570 метр.

Абаттандыру кезінде жақын аумақтарға 750 ағаш отырғызылады.


Автор:
Тілші

Jańalyqtar

MURAǴAT