13:59, 29 Маусым 2021 | GMT +6
Алматыда көшеде ер адамды өлтіріп кетті
АЛМАТЫ. ҚазАқпарат - Алматыда көшеде ер адамды өлтіріп кетті, деп хабарлайды ҚазАқпарат тілшісі.
Оқиға Алматының Түрксіб ауданында 28 маусым күні болған.
Алматы қалалық Полиция департаментінен мәлім еткендей, «Буран-291» патрульдік экипажы күдіктіні «ізін суытпай» ұстады.
«Ұсталған күдіктінің айтуынша, ол тек пышақпен қорғанған, ал қарудың қарсыласының денесіне қалай тигенін білмейді. Сонымен қатар, оның мас болғаны анықталды», - деп хабарлады полициядан.
Күдікті Алматы облысы, Қарасай ауданының 45 жастағы тұрғыны.
Күдікті мен куәгерлер полиция бөліміне жеткізілді. Арнайы топ оқиға болған жерді қарау кезінде қылмыс қаруын тауып, сараптамаға жіберді.