Алматыда коронавирус жұқтырған медқызметкерлер саны 234-ке жетті

АЛМАТЫ. ҚазАқпарат – Алматыда Covid-19 расталған медицина қызметкерлерінің саны 234 жетті. Бұл туралы Қоғамдық денсаулық сақтау басқармасының басшысы Тілеухан Әбілдаев айтты, деп хабарлайды ҚазАқпарат тілшісі.

«Жаңадан вирус жұқтырғандардың қатарында Орталық қалалық клиникалық аурухананың 10 медицина қызметкері бар. Олар шұғыл түрде ауруханаға жатқызылды. Бұл азаматтардың ішінде ауыр халдегілер жоқ. Барлығының жағдайы қанағаттанарлық»,– дейді Тілеухан Әбілдаев онлайн брифингте.

Сонымен қатар, ол қалада COVID-19 диагнозы бар медицина қызметкерлерінің жалпы саны 234 адамды құрағанын жеткізді.