Алматыда коронавирус жұқтырған 47 науқас жансақтау бөлімінде жатыр
22 маусым күнгі ақпарат бойынша, бір тәулікте қалада 117 адам коронавирус жұқтырған.
Мұның ішінде симптомды, жеңіл және орташа деңгейдегі белгілермен – 105, симптомсыз – 12 науқас тіркелді.
Барлық емделіп шыққандар – 62, келіп түскені – 70.
Инфекциялық стационарларда 620 адам бар (төсек-орынның жалпы саны –1 730 ), оның ішінде 25 бала емделуде», – деп нақтылады Қоғамдық денсаулық сақтау басқармасының баспасөз қызметінен.
Сондай-ақ, реанимация және қарқынды терапия бөлімінде 47 адам жатыр. Ал 14 науқас жасанды тыныс алу аппаратына қосылған.
Инвазивті емес жасанды тыныс алу аппаратында 14 адам ем қабылдауды жалғастыруда. High flow-да 17 аппарат жұмыс істейді.
Медициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында 915 пациент бар.
Оның ішінде індет белгілері бар, орташа ауыр жағдайда 760 науқас. 155 адамда коронавирус белгілері жоқ.