Алматыда коронавирус жұқтырған 28 адам жансақтау бөлімінде жатыр
2021 жылғы 29 желтоқсан 13:25

Алматыда коронавирус жұқтырған 28 адам жансақтау бөлімінде жатыр

АЛМАТЫ. ҚазАқпарат - Алматыда коронавирус жұқтырған 122 науқас ем қабылдап жатыр. Бұл туралы қалалық қоғамдық денсаулық басқармасынан мәлім етті, деп хабарлайды ҚазАқпарат тілшісі.

28 желтоқсан күнгі ақпарат бойынша, бір тәулікте қалада 52 адам коронавирус жұқтырған.

Барлық емделіп шыққандар – 13 , келіп түскені – 18

Инфекциялық стационарларда 122 адам бар (төсек-орын саны - 894). Оның ішінде 4 бала емделіп жатыр», – деп нақтылады қоғамдық денсаулық сақтау басқармасының баспасөз қызметінен.

Сондай-ақ, реанимация және қарқынды терапия бөлімінде 28 адам жатыр.

Ал 13 науқас жасанды тыныс алу аппаратына қосылған.

Инвазивті емес жасанды тыныс алу аппаратында 8 адам ем қабылдауды жалғастыруда. High flow-да 3 аппарат жұмыс істейді.

Медициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында 308 пациент бар.

Оның ішінде індет белгілері бар, орташа ауыр жағдайда – 282 науқас. 26 адамда коронавирус белгілері жоқ.


Автор:
Тілші

Jańalyqtar

MURAǴAT