20:51, 13 Ақпан 2018 | GMT +6
Алматыда қонақүйден өрт шықты
АЛМАТЫ. Қазақпарат - Алматыда Әуезов ауданында орналасқан "Салем" қонақ үйінің шатыры отқа оранды, деп хабарлайды ҚазАқпарат тілшісі.
Төтенше жағдай туралы хабар қалалық ТЖД кезекші пультіне 18:55-те түскен.
Өрт сөндірушілер оқиға орнына 9 минутта жеткен.
Белгілі болғандай, Момышұлы, 14 «б» мекенжайында орналасқан 3 қабатты ғимараттың мансард қабаты өртенген.
Өрт сөндірушілер тілсіз жауды 19:15-те ауыздықтады. Төтенше жағдайдан ешкім зардап шеккен жоқ.