Алматыда көлік аударылып 5 адам жараланды

АЛМАТЫ. Қазақпарат - Алматыда көлік аударылып 5 адам жараланды, деп хабарлайды Қазақпарат тілшісі.

Оқыс оқиға Мұқанов пен Шевченко көшелерінің қиылысында болған. Toyota camry Шевченко көшесімен батысқа бағыт алса, Shance автокөлігі Мұқанов көшесімен солтүстікке бағыт алып бара жатқан. Тура қиылысқа келгенде көліктер соқтығысқан.

Соққыдан Toyota camry аударылып қалса, Shance көлігі ағашқа соғылды. Жол апатынан 5 адам зардап шекті.