+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Алматыда қоғам қайраткері Болатхан Тайжанға арналған мемориалдық тақта ашылды

2021 жылғы 9 наурыз 14:56
Бөлісіңіз:
Алматыда қоғам қайраткері Болатхан Тайжанға арналған мемориалдық тақта ашылды

АЛМАТЫ. ҚазАқпарат - Алматыда мемлекет және қоғам қайраткері Тайжан Болатханның құрметіне мемориалдық тақта ашылды, деп хабарлайды ҚазАқпарат тілшісі.

Ұқсас жаңалықтар
Қазақстанда көздің қатерлі ісігін емдейтін жаңа әдіс қолданыла бастады Алматыда жеңіл көлік ағашқа соғылып, бір адам қаза тапты Алматыда коронавирус жұқтырған 2,3 мың науқас ауруханада жатыр

Тақтаның ашылу салтанатына қала әкімінің орынбасары Ержан Бабақұмаров, Болатхан Тайжанның жұбайы мен ұлы, профессор М. Сүлейменов, дипломат Х. Омаров, ҚазҰТУ проректоры У. Сыдықов және ҚР СІМ өкілдігінің басшысы Е. Ысқақов қатысты.

Әкімнің орынбасары Е. Бабақұмаров өз сөзінде қоғам қайраткері Болатхан Құлжанұлының қоғамымыздың саяси мәселелерін қалыптастыру мен шешудегі маңызды рөлін және оның еңбегін мемлекеттің жоғары бағалауын атап өтті.

Алматыда Болатхан Тайжан атындағы көше бар. Ендігі оның есімін мәңгі есте қалдыру мақсатында мемориалдық тақта ашылды. Б.Тайжан көп жылдар бойы төтенше және өкілетті елші болып істеген, кейін Алматыда тұрды.

«Мен бұл адам өз халқына адал адам болғанын айтқым келеді. Ол кадрлық дипломат болды, сол кезде де, қазір де мұндай дипломаттар аз. Өз ісін жақсы білетін және Қазақстан үшін көп іс жасаған адам еді. Өйткені ең қиын кезең – ел тәуелсіздігінің алғашқы жылдары болатын. Алғаш рет байланыс орнатып, жол салу керек болды және Болатхан қай жерде болса да бұл жұмысты өте жақсы орындады. Мысалы, Иеменнің консулы болса да азамат соғысы кезінде оқ астында, өз өмірін қатерге тігіп, кеңес азаматтарын пароходқа апарып, еліне жіберген. Мысырдағы елші болған кезде Қазақстанды әлем мойындау үшін көп күш жұмсады, сондай-ақ Египетте Абай атындағы көшенің ашылуына қол жеткізді. Ал ең үлкен жетістігі – оның көмегімен Қазақстан Ислам Конференциясы Ұйымына кіргені, бұл орасан зор еңбек. Ол маған конференция жабылған соңғы сәтте Қазақстанды осы қуатты, танымал ұйымның мүшесі деп жариялағаны туралы көп айтқан еді», - деді профессор М.Сүлейменов.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT