+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Алматыда кейуананың тамағына тіс протезі тұрып қалған

2019 жылғы 13 қараша 14:54
Бөлісіңіз:
Алматыда кейуананың тамағына тіс протезі тұрып қалған

АЛМАТЫ. ҚазАқпарат  - Алматыда дәрігерлер тіс протезі тамағына кетіп қалған 82 жастағы кейуананы аман алып қалды, деп хабарлайды ҚазАқпарат тілшісі.

Ұқсас жаңалықтар
Қызылорда облысындағы автобус апаты: Елжан Біртанов зардап шеккендердің жағдайын айтты ДДСҰ өкілі: Қазақстанда 15-29 жас аралығында өлімнің негізгі себебі — жол-көлік оқиғасы Бердібек Сапарбаев Қызылордада мүмкіндігі шектеулі жандарды оңалту орталығында болды

«Мен ана дүниеден қайттым!» - деді 82 жастағы зейнеткер Роза Халиуллина өңешіне жасалған отадан соң.

Оның айтуынша, таңғы ас ішіп отырғанда тіс протезінің бір бөлігі сынып кеткен. Өңешке жеткенде үшкір қырлары тамағын жыртып, демалысын қиындата түскен.

Жағдайы нашарлаған зейнеткер жедел жәрдем шақырған.

Бірден консилиум жинаған дәрігерлер зейнеткерге Шұғыл медициналық көмек көрсету орталығында ота жасады. Диагностика кезінде үшбұрышты протез бөлігі өңешті жыртып кеткені анықталды.

«Өңештің жыртылуы жылына 1-2 рет сирек кездесетін оқиға. Адам балық немесе тауықтың сүйегін жұтып қойғанда кездеседі. Бұл бөгде заттар өңештің тарылған тұсында тұрып қалады да жырта береді. Бұл өте қауіпті диагноз. Адам кешігіп келетін болса, 45-60 пайызға дейін жағдайда өліп кетуі ықтимал. Себебі, инфекция бірден жұмсақ тінге өтіп, ауыр интоксикацияға әкелуі мүмкін», - деді емхананың бас дәрігерінің орынбасары Оңласын Ибекенов.

Дәрігерлер зейнеткердің мойын тұсынан екі жағынан медиастенотомия жасады, жарақаттың орнын тазалап, жұқпаның денеге таралуына тоқсауыл қойды. Зейнеткер 3 тәулік жансақтау бөлімінде жатты.

10 тәулік бойы қария мұрын арқылы зондпен қоректеніп жүрген.

«Тамақ ішіп отырған кезімде шашалып қалдым. Сосын тұншыға бастадым. Қызым жедел жәрдем шақырды. Жедел жәрдем тез келді. Барлығы жабылып мені ана дүниеден қайтарып алды. Өзім 50 жылдан аса медбике болып қызмет істегенмін. Ақ халатты абзал жандарға ризамын», - деді зейнеткер.

Біздің каналымызға жазылыңыз:

Басты сөздер: Алматы, Медицина,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT