Алматыда Қасым хан бейнеленген мурал пайда болды
13:28, 10 Мамыр 2022
АЛМАТЫ. ҚазАқпарат - Қасым хан бейнеленген алып картина Қабдолов және Өтеген батыр көшелерінің қилысында орналасқан Grand Park сауда кешенінің қабырғасына салынды, деп хабарлайды ҚазАқпарат.
«Аталған мурал Ш.Айманов атындағы «Қазақфильм» киностудиясының тапсырысы бойынша салынды. Бұл мәдени іс-шара режиссер Ақан Сатаевтың «Ұлы дала таңы» фильмінің прокатқа шығуына орай ұйымдастырылғанын айта кету керек. Муралды жас суретшілер Карина Азимжанова мен Гафура Қайырбекова кескіндеді. Олардың айтуына қарағанда, Қасым ханның бейнесін салуға бір апта және 120 дана баллон бояу кеткен екен», - деп жазды ведомстводан.
Естеріңізге сала кетсек, «Ұлы дала таңы» тарихи фильмі 12 мамырдан бастап ұлттық прокатқа шығады.