15:07, 09 Наурыз 2016 | GMT +6
Алматыда кәсіпкерлік және индустриалды-инновациялық даму басқармасының басшысы қызметінен кетті
АЛМАТЫ. ҚазАқпарат - Алматыда кәсіпкерлік және индустриялы-инновациялық даму басқармасының басшысы Әлфия Балова қызметінен кетті. Оның орнына жаңа қызметке Алматы әкімінің өкімімен Алмас Өскенбайұлы Мәдиев тағайындалды.
Алмас Мәдиев еңбек жолын Жамбыл технологиялық институында оқытушылықтан бастаған.
1999-2003 жылдары Жамбыл облыстық экономика және бюджеттік жоспарлау басқармасының бас маманы, Жамбыл облыстық әкімінің орынбасары қызметін атқарып келген.
2009-2014 жылдары «Оңтүстік» әлеуметтік-кәсіпкерлік корпорациясының қаржылық директоры, «Қазақстан инвестициялық қоры» АҚ басқарушы директоры, «Павлодар» ӘКК басқарма төрағасының орынбасары болған.
Айта кету керек, бұрынғы басшы Әлфия Балова «Алматы» ӘКК басқарма төрағасының орынбасары қызметіне ауысты.