Валюта бағамдары:
    usd/kzt 476.01 eur/kzt 490.15

    rub/kzt 7.81 cny/kzt 70.64
Ауа райы:
Нұр-Сұлтан: 1 °С
Алматы: 15 °С

Алматыда қару-жарақ дүкеніне шабуыл жасағандардың сыбайластары Қапшағайда ұсталды

2022 жылғы 17 ақпан 17:55

НҰР-СҰЛТАН. ҚазАқпарат – Қапшағай қаласында қаңтардағы тәртіпсіздіктер кезінде Алматыда қару-жарақ дүкеніне шабуыл жасағандардың сыбайластары ұсталды. Бұл туралы ҚР ІІМ Көліктегі полиция депараментінің бастығы Оңал Бекеев мәлім етті, деп хабарлайды ҚазАқпарат тілшісі.

Оның айтуынша, көлік полицейлері Қапшағайдағы жалдамалы пәтерлердің бірінде Алматы облысының екі тұрғынын анықтап, қолға түсірген.

Бұл екі тұрғын Алматы қаласындағы жаппай тәртіпсіздік кезінде қару-жарақ дүкеніне шабуыл жасап, 18 атыс қаруын ұрлады деген күдікке ілінді. Қазіргі уақытта ұрланған қарулар тәркіленді.

«Бұған дейін көлік полицейлері олардың 32 жастағы серіктесін ұстаған болатын. Аталған азаматтарға қатысты тергеу соты күзетпен ұстау түріндегі бұлтартпау шарасын санкциялады», деді О.Бекеев.

Еске сала кетейік, бұдан бұрын Батыс Қазақстанда автокөліктен граната табылғанын жазған болатынбыз.


Автор:

Ғайсағали Сейтақ

Новости по теме
Серіктестер жаңалықтары