+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Алматыда карантин талабын бұзған 128 жеке тұлғаға хаттама толтырылды

2020 жылғы 28 қазан 01:32
Бөлісіңіз:
Алматыда карантин талабын бұзған 128 жеке тұлғаға хаттама толтырылды

АЛМАТЫ. ҚазАқпарат - Алматы әкімінің орынбасары Ержан Бабақұмаров қала аумағында шектеу шараларының сақталуын бақылау бойынша мониторингілік топтардың жұмысын одан ары күшейту жөнінде кеңес өткізді, деп хабарлайды ҚазАқпарат тілшісі.

Жиында мобильді мониторингілік топтар жұмысының жаңа алгоритмі қаралды.

Басты мақсат – коронавирус инфекциясының таралуын болдырмау үшін санитарлық-эпидемиялық талаптардың қатаң сақталуын қамтамасыз ету.

Санитарлық ережелерді және шектеу шараларын жүйелі түрде (2-3 рет) және қасақана бұзу фактілері анықталған жағдайда материалдар ҚР ӘқбК 462-бабының 3-бөлігі бойынша жауапқа тарту үшін аумақтық прокурорларға беріледі. Заңнамаға сәйкес, бұзушыларға ұйымның қызметін тоқтата тұруға дейін жауапкершілік қарастырылған.

Атап өтетін жайт, өндірістің барлық сатыларында іс бойынша азаматтардың және заңды тұлғалардың құқықтарын (Әкімшілік құқықбұзушылық туралы кодекстің 744, 746 және 747-баптары) қатаң сақтау қамтамасыз етілетін болады.

Алматыда эпидемияға қарсы шаралардың орындалуы бойынша ұйымдар мен нысандарға тексеру күнделікті жүргізіледі. Осы мақсатта аудандық әкімдіктер жанында 26 мониторингілік топ бар.

Осы жылдың 8 қазанынан бергі кезеңде мониторингілік топтар 1972 нысанды қамтыды. Олардың ішінде 493 объектіде карантиндік, соның ішінде маска режиімінің бұзылуы анықталды. Жеке тұлғаларға қатысты ҚР Әкімшілік құқықбұзушылық туралы кодекстің 425-бабының 1-бөлігі бойынша әкімшілік құқықбұзушылық туралы 128 хаттама толтырылды.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT