Алматыда қар тазалауға 500 арнайы техника жұмылдырылды
2015 жылғы 3 қаңтар 14:43

Алматыда қар тазалауға 500 арнайы техника жұмылдырылды

АЛМАТЫ. ҚазАқпарат - Алматыда мереке күндері түскен қалың қарды тазалауға 496 арнайы техника мен 635 жұмысшы жұмылдырылды. Бұл туралы қалалық Табиғи ресурстар және табиғатты пайдалану басқармасы хабарлады.

«2015 жылдың 2 қаңтарында 23.40-та бастап оңтүстік астанада қалың қар жауды. Қала көшелерін тазалауға 496 арнайы техника мен 635 жұмысшы жұмылдырылып, 2900 тонна құм мен тұз қосындысы себілді», - делінген хабарламада.

Таңертеңгі 8.00-ден бастап таулы аудандарда қар тазалау жұмыстары басталды.

Аудандық әкімдіктерде мейрам күндері жауапты тұлғалар тәулік бойы кезекшілік етуде.

4 қаңтарда Алматыда жауын-шашын күтілмейді деп болжауда «Қазгидромет» РМК.

Jańalyqtar

MURAǴAT