17:44, 27 Ақпан 2019 | GMT +6
Алматыда қандай автобустардың бағыты өзгерді
АЛМАТЫ. ҚазАқпарат - Алматыда екі автобус маршрутының қозғалыс бағытына өзгеріс енді, деп хабарлайды ҚазАқпарат тілшісі.
№141 автобус бағыты өзгерді.
4 наурыздан бастап соңғы аялдама «Көпір» автостансасынан ГЭС аялдамасына дейін ұзартылады. Күн сайын маршрутта 15 автобус жұмыс істейді. Қоғамдық көлікке «Олжас ЛТД» ЖШС қызмет көрсетеді.
«№141 автобус бағыты Медеу ауданында орналасқан «Балбұлақ» сауықтыру орталығы мен «Алатау» балалар клиникалық шипажайының қызметкерлері мен келушілерінің өтініштеріне байланысты өзгертілді», - деп атап өтті Алматы қаласының қалалық мобильділік басқармасынан.
Сондай-ақ, қаладағы №15 автобустың Орбита шағын ауданындағы қозғалыс сызбасы да өзгерген. Маршрут Навои көшесінен Мұстафин көшесіне бағытталған. Желіде 23 құрам жұмыс істейді. Автобусқа «Бату travel компаниясы» ЖШС қызмет көрсетеді.