Алматыда қалың қар жауып, көктайғақ болады: қалалық ТЖД ескерту жасады
Алматы қалалық төтенше жағдайлар департаменті «Қазгидромет» РМК ескертуі негізінде 10 қаңтар күні Алматыда таңертең, түстен кейін қалың қар жауып кейде тұман, көктайғақ болатынын мәлімдеді.
Осыған орай, қалалық ТЖД өкілдері қала тұрғындары мен қонақтарына, автокөлік иелеріне ескерту жасады.
«Азаматтарды таулы жерлерге бармауды, 112 қызметінің СМС-хабарламаларын, БАҚ-тағы ақпаратты: теледидарды, радионы назардан тыс қалдырмауды сұраймыз. Автокөлік иелеріне ағаштардың, электр желілерінің және басқа да ілулі құрылымдардың астына көліктерін қоймауға кеңес береміз. Қауіпсіз орын табыңыз, арнайы тұрақ орындары болса тіптен жақсы», - делінеді хабарламада.
Еске салсақ, бұған дейін Қазгидромет Алматыда 10 қаңтарда таңертең және күндіз кей уақытта қалың қар жауып, кей уақытта тұман, көктайғақ күтілетінін хабарлааған болатын