18:28, 25 Шілде 2018 | GMT +6
Алматыда қала орталығындағы Фурманов мүсінін алып тастады
АЛМАТЫ. ҚазАқпарат - Алматыда революционер Фурманов мүсіні Назарбаев көшесінен алынып тасталды, деп хабарлайды ҚазАқпарат тілшісі.
Назарбаев пен Құрманғазы көшесінің қиылысындағы белгілі революционер-жазушының бюсті бүгін таңертең орнында жоқ болып шықты.
Қалалық Мәдениет және мұрағат басқармасы мүсінді қайда жібергендерін айтты.
«Фурманов бюсті «Сарыарқа» саябағына орнатылатын болды. Ол жерде Кеңес одағы қайраткерлерінің мүсіндері шоғырландырылған», - деді басқармадан.
Монументті Николай Журавлев, сәулетші Х.Якупбаев жасаған.
Еске сала кетсек, Фурманов көшесі 2017 жылдың 30 қарашасында Назарбаев даңғылы болып өзгертілген еді.
Фото: alnaz.ru