Алматыда информатикадан Халықаралық олимпиаданың екінші айналымы басталды
2015 жылғы 30 шілде 10:14

Алматыда информатикадан Халықаралық олимпиаданың екінші айналымы басталды

АЛМАТЫ. ҚазАқпарат - Алматы қаласында мектеп оқушыларының информатикадан XXVII Халықаралық олимпиаданың (IOI-2015) екінші айналымы басталды.

Олимпиада әл-Фараби атындағы Қазақ ұлттық университетінде өтіп жатыр. Түстен кейін қатысушылар мен олардың жетекшілерінің қорытындыларды талқылау мүмкіндігі туады.

Оқушылар екінші айналымнан өткен кезде олимпиаданың қонақтары Қазақ этноауылына экскурсия жасайды. Олар қазақ ұлттық мәдениеті, салт-дәстүрлерімен таныстырылады.

Естеріңізге сала кетейік, информатикадан Халықаралық олимпиадаға әлемнің 83 елінен 630-дан астам делегат жиналды. Оған 324 оқушы, соның ішінде 11 бойжеткен қатысып отыр.

Шараның жабылуы мен жеңімпаздарды марапаттау рәсімі 1 тамыз күні Жолдасбеков атындағы Студенттер сарайында өтеді.

2 3

Jańalyqtar

MURAǴAT