Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Алматыда Hyundai автокөлігін шығаратын зауыт құрылысының іргетасы қаланды

2019 жылғы 21 сәуір 15:34 889
Бөлісіңіз:
Алматыда Hyundai автокөлігін шығаратын зауыт құрылысының іргетасы қаланды

НҰР-СҰЛТАН. ҚазАқпарат - 21 сәуір күні Алматыда Hyundai Trans Kazakhstan зауытының алғашқы іргетасын қалау салтанатты шарасы өтті, деп хабарлайды primeminister.kz.

Ұқсас жаңалықтар
«Emirates» әуе компаниясы Қазақстанға тұрақты рейс ашады Биыл Алматының автобус паркі 100 пайыз жаңарады

Оған ҚР индустрия және инфрақұрылымдық даму министрі Роман Скляр, Оңтүстік Кореяның сауда, өнеркәсіп және энергетика министрі Сон Юн Мо, Нyundai Мotor Сompany стратегия жөніндегі президенті Конг Ян Вун, Astana Group компаниясының президенті Нұрлан Смағұлов қатысты.

Зауытты ҚР Индустрия және инфрақұрылымдық даму министрлігінің және Алматы қаласының әкімдігінің қолдауымен Алматы қаласының индустриялық аймағы аумағында «Астана Моторс» компаниясы салатын болады.

ҚР индустрия және инфрақұрылымдық даму министрі Р. Скляр атап өткендей, бұл жоба елімізде автомобиль жасау индустриясы саласын дамытудағы стратегиялық маңызды қадам.

«Зауытта 700-ге жуық жаңа жұмыс орны ашылады, аталған кәсіпорынның өнімі ішкі нарыққа да, үшінші елдерге экспорттауға ба бағытталатын болады», - деп атап өтті Роман Скляр.

Алматыда Hyundai автокөлігін шығаратын зауыт құрылысының іргетасы қаланды 

Кәсіпорынның қуаттылығы бірінші кезеңде 30 мың автокөлікті құрайды, ал екінші кезеңде жылына 45 мың автокөлікке дейін артады. Бұл қазақстандық нарықты сапалы әрі қолжетімді Hyundai маркалы жеңіл автомобильдермен молайтуға, сондай-ақ оларды ТМД елдеріне экспорттауға мүмкіндік береді. Жоба инвестициясының жалпы көлемі 25 миллиард теңгені құрайды. Өз қаражатынан бөлек коммерциялық шарттар бойынша займ қаражаты тартылатын болады.

Алматыда Hyundai автокөлігін шығаратын зауыт құрылысының іргетасы қаланды 

Зауытта дәнекерлеу, бояу, құрастыру, пластикалық панельдерді өндіру цехтары және сапаны бақылау учаскесі болады. Кәсіпорын Оңтүстік Корея мен Жапония елдерінің жаңа технологиялық жабдықтарымен қамтамасыз етіледі. Зауытта Hyundai модельдік қатары жиналады. Бірінші кезеңде Accent модельдерінің толық циклін өндіру жолға қойылады, кейін Creta модельдерін өндіру желісін іске қосу жоспарлануда.

ЕАЭО елдерімен ынтымақтастық пен өнеркәсіптік кооперацияның арқасында құрастыруды шоғырландыру 50%-ға жетеді. Болашақта автокомпоненттер өндіретін зауыт салынады. Бұл Қазақстанда шоғырландыру деңгейін арттыруға мүмкіндік береді.

2019 жылдың соңына дейін өндірістік цехтар салу жоспарлануда, ал 2020 жылы зауыт конвейерінен бірінші автокөлік шығады.

Алматыда Hyundai автокөлігін шығаратын зауыт құрылысының іргетасы қаланды 

Алматы қаласының әкімі Б. Байбек зауыт құрылысына барлық инфрақұрылымы бар 25 га жер бөлінгенін атап өтті. Қазіргі кезде Алатау ауданындағы Индустриалды аймақта 144 млрд теңгенің 39 жобасы жүзеге асырылып жатыр. Жапондық, неміс пен қытайлық, ресейлік капиталдардың қатысуымен 5 зауыт ашылды. Биыл инвестициялар көлемі 367 млрд теңгеге жуықтайтын тағы 4 кәсіпорын ашу жоспарланған, оның ішінде болат құбырларын шығаратын қазақстандық-қытайлық ірі «Asia Steel Pipe» зауыты бар.


Алматыда Hyundai автокөлігін шығаратын зауыт құрылысының іргетасы қаланды 
Алматыда Hyundai автокөлігін шығаратын зауыт құрылысының іргетасы қаланды 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
MURAǴAT