Алматыда Халыққа қызмет көрсету орталықтары жұмыс істей бастады

None
None
АЛМАТЫ. ҚазАқпарат - 2022 жылдың 11 қаңтарынан бастап Алматы қаласында халыққа қызмет көрсету орталықтарының жұмысы жанданды, деп хабарлайды ҚазАқпарат тілшісі.

«Алматыдағы барлық 9 халыққа қызмет көрсету орталықтары бүгінен бастап қызмет көрсете бастады. Клиенттерге паспорт пен жеке куәлік рәсімдеу, көші-қон қызметтерінен өзге барлық мемлекеттік қызмет қолжетімді. ХҚО-лардың жұмыс кестесі дүйсенбі жұма аралығында таңғы сағат 9.00-ден кешкі сағат 18.00-ге дейін үзіліссіз»,- деді «Азаматтарға арналған үкімет» МК баспасөз қызметінің Алматы қаласы бойынша өкілі Жаңыл Әпетова.

Айта кетейік, Қазақстан бойынша миграциялық және мамандандырылған қызмет көрсету орталығы жұмысын тоқтатты. Себебі ІІМ қызметкерлері төтенше жағдай жұмыстарына жұмылдырылды.

Қазіргі таңда ХҚО-лар тек Алматы облысында жұмыс істемейді.


Соңғы жаңалықтар