+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Алматыда халықаралық «Болат Тұрлыханов Кубогі» өтеді

2019 жылғы 16 мамыр 05:15
Бөлісіңіз:
Алматыда халықаралық «Болат Тұрлыханов Кубогі» өтеді

НҰР-СҰЛТАН. ҚазАқпарат - Алматыда 25-26 мамыр күндері грек-рим күресінен дәстүрлі халықаралық «Болат Тұрлыханов Кубогі» өтеді, деп хабарлайды ҚазАқпарат тілшісі.

Естеріңізге сала кетейік, аталған турнирдің алғаш рет 1994 жылы жалауы желбіреген болатын. Биыл міне, жиырма бесінші рет өткелі отыр.

Бүкіләлемдік күрес кеңесінің (UWW) күнтізбесіне енгізілген «Болат Тұрлыханов Кубогі» тек олимпиадалық алты салмақта (59, 67, 77, 87, 97 және 130 келі) өтеді.

Биылғы дүбірлі додаға еліміздің үздік балуандарымен қоса грек-рим күресінде әлемде көшбасшы елдер саналатын Ресей, Иран, Корея, Армения, Беларусь, Қырғыстан, Өзбекстан және тағыда өзге елдердің күрес шеберлері қатысады.

Бүкіләлемдік күрес кеңесінің (UWW) ресми сайтының хабарлауынша, турнирдің жеңімпаздары мен жүлдегерлеріне медальдар мен дипломдардан бөлек, арнайы қаржылай сыйақы беріледі.

Айта кетейік, Болат Тұрлыханов - Қазақ ССР-ның еңбек сіңірген жаттықтырушысы. Семей өңірінде дүниеге келіп, 1956 жылы Қазақ дене шынықтыру институтын тәмамдаған. Саналы ғұмырында талай сақа балуандарды баптап, қазақ палуандарының жеңіске деген жігерін жаныған, алдыға биік мақсат қоя біліп, асқақ арманға жетулеріне зор үлес қосқан тұлға.

Біздің каналымызға жазылыңыз:

Басты сөздер: Алматы облысы, Спорт,
Бөлісіңіз:

Автор:

Күнсұлтан Отарбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT