+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Алматыда Халықаралық әйелдер күні мерекесіне арналған іс-шара өтті

2021 жылғы 7 наурыз 00:15
Бөлісіңіз:
Алматыда Халықаралық әйелдер күні мерекесіне арналған іс-шара өтті

АЛМАТЫ. ҚазАқпарат – 8 наурыз Халықаралық әйелдер күні мерекесі қарсаңында «Апельсин» демалыс орталығында аналар мен әжелер үшін «Подснежники для мам!» атты мерекелік кеш өтті, деп хабарлайды ҚазАқпарат тілшісі.

Ұқсас жаңалықтар
Алматыда жеңіл көлік ағашқа соғылып, бір адам қаза тапты Алматыда коронавирус жұқтырған 2,3 мың науқас ауруханада жатыр Алматыда карантин талаптарын бұзған 14 мекеме иесі айыппұл төлейді

«Біздің мерекенің басты мақсаты - балаларға мерекелік көңіл-күй сыйлап, өзара сыйластық атмосферасын қалыптастыру. Балаларды Халықаралық әйелдер күні мерекесімен таныстыру, балалардың шығармашылығын, сөйлеу мәдениетін, көркемдік орындаушылық шеберліктерін дамыту болып табылады. Іс-шараға 20 адам қатысты. Сондай-ақ, біздің мерекеге балаларымыз өздерінің сүйікті кітаптарын оқуға баратын №30 орталықтандырылған кітапханадан қонақтар қатысты»,- дейді «Апельсин» демалыс орталығының меңгерушісі Людмила Колесникова.

Мерекелік кештің барысында балалар әсем әндер айтып, би билеп, сахналандырылған «Подснежник» қойылымын, қуыршақ театрының «Анама сыйлық» ертегісін, 8 наурыз мерекесіне арналған флешмоб ұйымдастырды.

Балалар өз қолдарынан шыққан өнер туындыларын ана, әжелеріне сыйға тартты. Атап айтқанда, кіші топтың балалары «Хэнд Мэй» үйірмесінде жасалған моншақпен безендірілген қар бүршіктерін, ал үлкен топтың балалары «Валяния» техникасымен жүннен дайындалған керемет аюларды сыйлады.

Қуаныштары қойнына сыймаған аналар өз қуаныштарымен бөлісті.

«Мерекелік кеш маған өте ұнады. Барлық балалар үлкен дайындықпен келген. Сахнада да өз рөлдерін жақсы ойнап шықты. Әдемі би билеп, өлеңдер оқыды. Өте қызықты өткен кешті ұйымдастырғаны үшін орталықтың меңгерушісі Людмила Петровна мен кешке қатысқан барлық балаларға шексіз алғысымды айтамын», - деді Малышева Анастасия.

«Мен осы кешке қатысқаныма өте қуаныштымын. Кеш мерекелік көңіл-күйде, жақсы өтті. Балалардыңқуанышында шек жоқ. Аналар мен апалар да қуанышты. Балалардың өз қолдарынан шыққан сыйлықтары да керемет», - деді аналардың бірі Әсел Қалиева.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT