Алматыда гараждар өртеніп жатыр

АЛМАТЫ. ҚазАқпарат - Алматыда гараждар өртеніп жатыр. Шұғыл хабарламаны қалалық Төтенше жағдайлар департаментінің баспасөз қызметі жеткізді, деп хабарлайды ҚазАқпарат тілшісі.

Қалалық Төтенше жағдайлар департаментінің мәліметінше, Бостандық ауданы, Радостовцев көшесі, 409-үйі маңында жалпы ауданы 50 шаршы метр болатын екі гараждың өртеніп жатқаны туралы хабарлама кешкі сағат 18:22-де келіп түскен. «Оқиға орнында жеке құрамның 28 адамы мен 5 бірлік техника жұмыс істеп жатыр. Қаза болғандар мен зардап шеккендер туралы ақпарат түскен жоқ», - делінген ведомство хабарламасында.

Бұған дейін Астанада паркингтегі өрттен 3 адам ауруханаға түсіп, 6 көлік жанып кеткені туралы жазған едік.