+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Алматыда есірткіге еліккендердің ентігі басылып келеді

2014 жылғы 19 наурыз 10:25
Бөлісіңіз:
Алматыда есірткіге еліккендердің ентігі басылып келеді

АЛМАТЫ. ҚазАқпарат - Алматыда есірткіге тәуелді жандардың саны өткен жылмен салыстырғанда орта есеппен 15 пайызға азайған. Бұл туралы ҚазАқпарат тілшісіне медициналық әлеуметтік түзету наркологиялық орталығының бас дәрігерінің орынбасары Руслан Әлиев айтты.

«Алматыда биыл 1 наурызда өткен жылғы көрсеткішпен салыстырғанда есірткіге тәуелді жандардың саны орта есеппен 15 пайызға азайған. Биыл олардың саны 34013 адам болса, оның ішінде ащы суға тәуелді адамдардың саны - 30318, нашақорлар -3601, токсикомандардың саны 31 адамды құрады. Әйелдер арасында алкогольге тәуелді - 2811, есірткіге тәуелді - 430 адам тіркелген. Жасөспірімдер арасында 965 бала алкогольге тәуелді болса, 8 баланың есірткі пайдаланатыны, 4 бала токсикоман екендігі анықталды», - деді Руслан Әлиев.
Маманның айтуынша, қаладағы есірткіге тәуелді жандардың санының азаюына бірнеше фактор әсер етіп отыр. Олардың бірі - аудандық әкімшіліктер жанындағы арнайы комиссиялардың, құқық қорғау органдарының, мүдделі ұйымдардың, наркологиялық орталықтың, салауатты өмір салтын қалыптастыру орталығының белсенді профилактикалық іс-шараларының арқасында болып отыр.
«Есірткіге тәуелді жандардың санын азайту мәселелері мемлекеттік «Саламатты Қазақстан» бағдарламасы аясында кеңінен қарастырылған. Сондай-ақ, аймақтық «2012-2016 жылдарға арналған нашақорлық пен наркобизнеске қарсы күрес» бағдарламасын жүзеге асыру аясында өткізілген көптеген шаралар нашақорлардың санының азаюына ықпал етіп отыр», - деді медициналық әлеуметтік түзету наркологиялық орталығының бас дәрігерінің орынбасары Руслан Әлиев.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT