Алматыда есірткі сатқан 75 жастағы әже сотталды
«Алматы қалалық қылмыстық істер жөніндегі мамандандырылған ауданаралық сотында Қазақстан Республикасы Қылмыстық кодексінің 297 бабының 3 бөлігі 3 тармағы бойынша (есірткі заттарының заңсыз айналымы) қылмыс жасаған А-ға қатысты қылмыстық істі қарау аяқталды. Сот 2016 жылы 31 шілдеде А. С-ға жалпы салмағы 0,23 грамм ірі мөлшерде «героин» есірткісін 4 000 теңгеге заңсыз сатқаны анықтады», - делінген хабарламада. Бұдан басқа, 2016 жылғы 2 тамызда А-ның үйінде куәгерлердің қатысуымен жүргізілген тінту барысында жалпы салмағы 4,21 грамм аса ірі мөлшерде аталған есірткі құралы табылып, тәркіленді.
Сот үкімімен А. ҚР Қылмыстық кодексінің 297 бабының 3 бөлігі 3 тармағында көзделген қылмысты жасады деп танылды және оған мүлкін тәркілеу және қатаң режімдегі түзеу колониясында жазасын өтеу үшін 13 жыл бас бостандығынан айыру жазасы тағайындалды. ҚР ҚК-нің 14 бабының 2 бөлігі 2 тармағы негізінде А. әрекетінен қылмыстың қауіпті белгілері танылды. Үкім күшіне енген жоқ.