Алматыда ертең ескерту дабылы қағылады
Бұл табиғат апаты болған жағдайда қала халқын хабарландыру және қауіпсіз жерге көшіруге басқару органдарын, азаматтық қорғаныс өкілдіктерін жұмылдыру мақсатында жүргізіліп отыр.
Практикалық іс-шара Бостандық ауданындағы №93 мектепте өтеді.
Мектеп ішінде эвакуациялық пункт ашылып, қалалық ТЖД жылжымалы нүктесі орналасады. Мұнда көшірілген халықты тіркеу, Алматы облысының қауіпсіз жерлеріне жіберу шаралары өткізіледі.
Сонымен қатар, Алматы-2 темір жол вокзалында Департамент қызметкерлері жиналған халықты Жамбыл, Қарағанды облысына жібереді.
Айта кету керек, былтырдан бері Алматыда әр айдың алғашқы бейсенбісінде 12:55-те төтенше жағдайлар туралы дайындық дабылы қағылады. Бұл дабыл жүйелерінің жұмысын тексеруге бағытталған.
Осы уақыт аралығында радио толқыны мен телеарналардың экранынан эфир үзіліп, дабыл жүйелерінің жұмысын тексеру туралы хабарлама таратылады.