+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Алматыда «Еңбек» бағдарламасы аясында 647,3 млн теңгеге 41 шағын несие берілді

2020 жылғы 14 ақпан 14:13
Бөлісіңіз:
Алматыда «Еңбек» бағдарламасы аясында 647,3 млн теңгеге 41 шағын несие берілді

АЛМАТЫ. ҚазАқпарат – Алматы қаласы әкімдігінің баспасөз орталығында Бостандық ауданының әкімі Алтай Рақымбетов 2019 жылғы әлеуметтік-экономикалық даму қорытындылары бойынша есеп берді, деп хабарлайды ҚазАқпарат тілшісі.

Ұқсас жаңалықтар

Алтай Рақымбетовтің айтуынша, Бостандық ауданында 29 714 кәсіпорын тіркелген, оның ішінде іске қосылып тұрғандары – 17 359. Ал басым бөлігі көтерме-бөлшек сауда – 33% (10700), ғылыми-техникалық қызмет – 12% (4500), құрылыс - 9% (3150) және т. б. салаларда.

Шағын және орта бизнесті қолдау мен дамыту үшін бірқатар бағдарламалар іске асырылып жатыр.

«Бизнестің жол картасы-2020» бизнесті қолдау және дамыту мемлекеттік бағдарламасын іске асыру барысында ауданда жалпы сомасы 9,4 млрд теңгеге 17 жоба субсидияланды. Мемлекеттік гранттарды өтеусіз негізде ұсыну бойынша жалпы сомасы 20,7 млн теңгеге 14 жоба мақұлданды. Ал «Еңбек» бағдарламасы аясында аудан бойынша жалпы сомасы 647,3 млн теңгеге 41 шағын несие берілді»,- дейді Алтай Рақымбетов

Өткен жылы Бостандық ауданында көпбалалы отбасыларды қолдау мақсатында «Бақытты отбасы» орталығы ашылды. Сонымен қатар, «Іскер ана» жобасы бойынша 20 көпбалалы анаға демеушілердің қолдауымен, өз бизнесін дамытуға арналған жабдықтар сатып алынды.

«Almaty Business-2025» кәсіпкерлікті дамыту аймақтық бағдарламасы аясында «Qolday» кәсіпкерлік орталығы құрылды. Оған өткен жылы 300-ден астам кәсіпкер жүгінді, жалпы сомасы 1,5 млрд теңге болатын жобалар мақұлданды»,- дейді аудан әкімі.

Сонымен қатар, ол әлеуметтік қорғау шараларымен 6 209 адамның қамтылып, оның 4 332-сі тұрақты жұмысқа орналасқанын атап өтті.

«Халықтың әлеуметтік осал топтарына жататын 6 740 адам жалпы сомасы 124 млн теңгеден астам әлеуметтік төлем алды. Оның ішінде, 32,3 млн теңге көлемінде атаулы әлеуметтік көмек 641 аз қамтылған отбасыға, яғни 2 978 адамға берілді»,– деп толықтырды есеп беру барысында Алтай Рақымбетов.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT