USD 434.34 EUR 491.93
RUB 5.56 CNY 68.67
Jańalyqtar

Алматыда Елорданың дамуына үлес қосқан тұлғаларды марапаттау рәсімі өтіп жатыр

2017 жылғы 10 желтоқсан 18:45
Бөлісіңіз:
Алматыда Елорданың дамуына үлес қосқан тұлғаларды марапаттау рәсімі өтіп жатыр

АЛМАТЫ. ҚазАқпарат - Алматы әкімдігінің бастамасымен Елорданың қалыптасуы мен дамуына үлес қосқан лауреаттарды «Астана - Ардағым» мерекелік сыйлығымен марапаттау рәсімі өтті, деп хабарлайды ҚазАқпарат тілшісі.

Елорданың Астанаға көшкеніне 20 жыл толуына арналған «Астана - Ардағым» сыйлығымен Алматы қаласының тумалары және Астананың қалыптасуына айтарлықтай үлес қосқан, Президенттің астананы көшіру туралы шешіміне барынша қолдау көрсеткен қайраткерлердің еңбегін ескеруге бағытталған.

«Ел еңсесін енді тіктеген кезеңде Елбасы көш бастап Астанаға бет бұру туралы шешіміне күмәнмен қарағандар болғаны белгілі. Жасампаз 20 жылда 1997 жылға 10 желтоқсаннан бастап ел орталығын ресми Астанаға көшіруі асқан көреген шешім болғаны рас. Теңдессіз шешім Алатаудың баурайында қабылданып, шаһарымыздың басты қаржы экономикалық, ғылым мен білім, спорт орталығы ретінде дамуына жол ашты. Осы қалада ҚР тәуелсіздігі туралы заң, жаңа елорда туралы тарихи қаулы қабылданды. Егіз өрімдей болған қос қалаға Елбасының қолдауы ерекше екендігі рас. Осындай қаламыздың дамуына күш салған азаматтардың еңбегін атап өту дұрыс деп ойлаймын», - деді Алматы қаласының әкімі Бауыржан Байбек.

Алматы қаласының Мәдениет басқармасы хабарлағандай, «Астана - Ардағым» сыйлығы 20 санат бойынша беріледі. Атап айтқандай, олар - білім мен ғылым, сәулет пен құрылыс, денсаулық сақтау, спорт, өнер, кинематография, журналистика және әдебиет салалары бойынша үлес қосқандардың еңбегі ескеріледі.

Номинанттарды іріктеу конкурстық комиссияның сайтында ашық дауыс беру арқылы жүзеге асты.

«Бүгінгі күні Алматы қаржы және экономикалық мегаполисі ретінде еліміздің саяси орталығы - Астананы үйлесімді толықтыруда. Халықаралық тәжірибе көрсеткендей, күшті саяси орталық пен либералды қаланың келісімі мемлекеттің тұрақты дамуына ықпал етеді. Мемлекет басшысының «Астананың тағдыры - екі ғасырды артқа тастаған барша қазақстандықтардың тағдыры. Бұл заманауи мемлекетке айналған, жаһандық қоғамдастық таныған және құрметтеген, Ұлы жолдан өткен тәуелсіз Қазақстанның тағдыры» деген сөздері жəне бар», - деді қалалық әкімдіктегілер.

Еске салсақ, келесі жылы Қазақстан астанасы үшін мерейлі жыл. Алматыда Астананың 20 жылдығын мерекелеуге арналған бірқатар ауқымды мәдени шаралар - концерттер, фестивальдер, көрмелер өткізу жоспарланған.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT