09:15, 25 Қаңтар 2021 | GMT +6
Алматыда электр энергиясымен жабдықтау тарифі төмендеді
АЛМАТЫ. ҚазАқпарат - Алматыда электр қуатымен жабдықтау тарифі төмендетілді, деп хабарлайды ҚазАқпарат Табиғи монополияларды реттеу комитетіне сілтеме жасап.
1 ақпаннан бастап ҚР ҰЭМ Табиғи монополияларды реттеу комитетінің Алматы қаласы бойынша департаменті электрмен жабдықтау тарифін тұрғындар үшін - 1,5% (ҚҚС-сыз 17,12 тг/кВт сағаттан ҚҚС-сыз 16,86 тг/кВт сағатқа дейін) , заңды тұлғалар үшін - 1,2% (ҚҚС-сыз 18,47 тг/кВт сағаттан ҚҚС-сыз 18,25 тг/кВт сағатқа дейін) дейін төмендетті.
Бұл көрсеткіш электр энергиясын беру және теңгерімдеу, қуатты қамтамасыз ету тарифінің төмендеуі арқылы мүмкін болды.
Халық үшін үнем - 554 млн теңге, заңды тұлғалар үшін - 820 млн теңге.
Өз кезегінде жоғарыда көрсетілген көрсеткіштерге қол жеткізу үшін Алматы қаласы әкімдігінің қолдауымен халықтан бюджеттік ұйымдарға жүктемені қайта бөлу фактісі қосымша ықпал етті.