+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматыда Елбасы атынан ауызашар берілді (ФОТО)

2014 жылғы 24 шілде 13:51
Бөлісіңіз:
Алматыда Елбасы атынан ауызашар берілді (ФОТО)

АЛМАТЫ. ҚазАқпарат - Алматы қаласында Қабылдау үйінде зиялы қауым, БАҚ өкілдеріне, діндарларға Елбасы атынан ауызашар берілді.

Бұл туралы ҚМДБ баспасөз хатшысы Ағабек Қонарбайұлы хабарлады.

Игі шараға қала әкімі Ахметжан Есімов пен Бас мүфти Ержан қажы Малғажыұлы қатысып, дін мен діліміздің жанашыр тұлғаларын Рамазан айымен құттықтап, ізгі тілектерін білдірді. Алматы қаласының бас имамы Нұрбек Есмағанбет Құран оқып, Бас мүфти бата жасады.

«Отыз күн ораза - тәрбие мектебі, адамның сабырын шыңдайтын, адалдық пен адамгершілікке, мейірімділік пен қайырымдылыққа жетелейтін құлшылық. Пайғамбарымыздың (с.ғ.с.): «Оразаға тең келер құлшылық жоқ», - деген хадисінің мәні мен маңызы зор. Аллаға шүкір, халқымыздың дархан мінез, кеңпейіл ниетінің арқасында еліміздегі ұлттар мен ұлыстар ынтымаққа ұйысып, өмір сүруде. Бүгінде мешіттерімізде өткізіліп жатқан ауызашарлар, қайырымдылық акциялар ағайынның арасын жақындата түсетін, ұлт өкілдерін бірлікке бастайтын игі шараға айналды. Алла тағала ұстаған оразамыз бен қасиетті айдағы дұға-тілектерімізді қабыл еткей», - деді Бас мүфти Ержан қажы Малғажыұлы.

Ауызашар дастарханында Қазақстан мұсылмандары діни басқармасы өз қызметі аясында биылғы жылды «Дін мен дәстүр» жылы деп жариялауына орай, ғибратты терме-толғаулар орындалып, Отанды сүюге, туған жерді қадірлеуге үндейтін әндер шырқалды. ҚМДБ Жалпы және жастар бөлімнің меңгерушісі Алтынбек Ұтысханұлы жиналған жамағатқа уағыз айтты.

2 2 12

6

5

2

3

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT