USD 434.34 EUR 491.93
RUB 5.56 CNY 68.67
Jańalyqtar

Алматыда екінші халықаралық жазушылар форумы басталды

2019 жылғы 25 қыркүйек 12:24
Бөлісіңіз:
Алматыда екінші халықаралық жазушылар форумы басталды

АЛМАТЫ. ҚазАқпарат - Алматыда екінші халықаралық жазушылар форумы басталды. Форумда сарапшылар көркем әдеби аудармалар мен жазушылардың байланысы жөніндегі проблемаларды талқылады, деп хабарлайды ҚазАқпарат тілшісі.

Халықаралық шараға 18 мемлекеттен 81 делегат қатысуда. Франция, Германия, АҚШ, Англия, Түркия, Қытай, Моңғолия, Ресей, Марокко, Литва, Өзбекстан, Әзербайжан, Қырғызстан және басқа да елдерден келген жазушылар, публицистер, аудармашылар, әдеби сыншылар, суретшілер көркем әдеби аудармадағы проблемаларды көтерді.

«Осы форумда біз өте маңызды тақырыпты қозғаймыз. Яғни көркем аудармаға арнаймыз. Жазушылардың барлығы дерлік күндердің күнінде аударма проблемасына бетбе-бет келері анық. Жазушылар ұлттық әдебиетті жасаса, аудармашылар әлемдік әдебиетті жасайды деп бекер айтылмаған»,-деді қазақ ПЕН-клубының президенті Бигелді Ғабдуллин.

Алқалы форумның жұмысы мемлекеттік «Рухани жаңғыру» бағдарламасын жүзеге асыруға бағытталған. Қазақ ПЕН-клубының президенті Бигелді Ғабдуллиннің пікірінше, ұлттық әдебиетті жаңғырту үшін алдымен халықаралық байланыстар орнату қажет. Форум тақырыбының «Әлемді ашу – әлемге ашылу. «Көркем әдеби аудармалар мен жазушылар байланысының проблемалары», - деп аталуы да сондықтан.

«СССР күйреген соң бүкіл әлемде совет халқының мәдениетіне деген қызығушылық күрт құлдырады. Соңғы 25 жылда біздің екі-үш әдебиетшіден өзге бірде-бір танымал қазақ жазушысы әлемдік деңгейден көріне алмады, өйткені өзге тілге аударылған шығармасы жоқ», - деді ол.

Форумға қатысушылар, бұл халықаралық шара жазушыларды жақындастырып, олардың кәсіби қызығушылығын арттырып, өзге елдердің заманауи әдебиетін білуге, аудармашылар мен әріптестер табуына ықпал ететініне сенімді.

Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT