+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматыда екі жасар бала терезеден құлап кетті

2020 жылғы 2 маусым 12:30
Бөлісіңіз:
Алматыда екі жасар бала терезеден құлап кетті

АЛМАТЫ. ҚазАқпарат - Алматыда екі жасар бала екінші қабаттың терезесінен құлап, ауруханаға түсті, деп хабарлайды ҚазАқпарат тілшісі.

Төтенше жағдайлар департаментінің хабарлауынша, жыл сайын күн жылыған кезде балалардың терезеден құлау оқиғалары жиілейді. Осындай оқиғалардың алдын алу үшін Алматы қалалық Төтенше жағдайлар департаментінің қызметкерлері көпқабатты тұрғын үйлердің кіреберістеріне ата-аналарға арналған көрнекі құралдарды орналастырды. Сонымен қатар бұқаралық ақпарат құралдары мен әлеуметтік желілер арқылы ақпарат таратады.

«Алайда балалардың терезеден құлау фактілері әлі де жалғасуда. Жыл басынан бері Алматы қаласында осындай үш жағдай тіркелді. Оның бірі кеше 1 маусым - Халықаралық балаларды қорғау күнінде болды. Алмалы ауданында орналасқан бес қабатты тұрғын үйдің екінші қабатындағы терезеде москит торына сүйеніп тұрған 2018 жылы туған бүлдіршін құлап кетті. Бала жабық ми жарақатымен балалар ауруханасына жеткізілді. Баланы үйде отырған ата-аналары бір сәтке көзінен таса қылған», - деп хабарлады Төтенше жағдайлар департаментінің өкілдері.

Алматы қаласының Төтенше жағдайлар департаменті ата-аналарға тағы бір мәрте сақтық ережелерін еске салады:

– балалар 12,5 см ашық тұрған терезеден құлап кетуі мүмкін;

– терезеге оның кең ашылуына жол бермейтін бекіту құрылғысын орнатыңыз;

– балаларға терезелерден алыс ойнауды үйрету керек;

– балаларды үнемі бақылауда ұстау қажет;

– терезедегі москит торлары өте әлсіз болады:

– терезелердің жанына жиһаз қоймаңыз.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT