Алматыда дзюдодан жасөспірімдер мен жастар арасында Азия кубогі өтеді
Халықаралық дзюдо федерациясының күнтізбесіне сәйкес өткізілгелі отырған жарысқа 2006-2007 жылдары дүниеге келген жасөспірімдер мен 2003-2005 жылдары туған жас татами шеберлері қатысады.
Қазақстан дзюдо федерациясының баспасөз қызметінен мәлім еткеніндей, IJF ережесіне сәйкес Азия кубогінің жеңімпаздары мен жүлдегерлеріне рейтингілік ұпай қосылады.
Жарыс жеңімпаздарына 100, күміс жүлдегерге – 60, қола жүлдегерге 40 ұпайдан беріледі.
Биыл алтыншы рет ұйымдастырылып отырған Азия кубогіне Қазақстан, Өзбекстан, Тәжікстан, Қырғызстан, Моңғолия, Гонконг, Түркіменстан, Грекия, Грузия және АҚШ-тан барлығы 400-ден астам дзюдошы қатысады деп жоспарланған.
Бекет Сапабекұлы Махмұтов 2009-2012 жылдар аралығында Қазақстан дзюдо федерациясының президенті, сондай-ақ, Азия дзюдо одағының вице-президенті қызметін атқарған.
Дзюдодан Бекет Махмұтов атындағы турнир 2017 жылдан бері Алматы қаласында дәстүрлі түрде өткізіліп келеді.
Дзюдодан жастар мен жасөспірімдер арасындағы Азия кубогінің жарыс кестесі мынадай:
7 сәуір
Жасөспірімдер
Жарыс сағат 10.00-де басталады.
Финалдық белдесулер – 17.00.
Ұлдар: -50 кг, -55 кг, -60 кг, -66 кг, -73 кг
Қыздар: -40 кг, -44 кг, - 48 кг, - 52 кг, -57 кг
8 сәуір
Жарыстың басталуы – 10.00.
Финалдық белдесулер – 17.00.
Жасөспірімдер
Ұлдар: -81 кг, -90 кг, -100 кг +100 кг;
Қыздар: -63 кг, -70 кг, -78 кг, +78 кг;
Жастар
Ұлдар: -60 кг, -66 кг;
Қыздар: -48 кг, -52 кг;
9 сәуір
Жастар
Жарыстың басталуы – 10:00
Финалдық белдесулер – 17:00
Жастар: -73 кг, -81 кг, -90 кг, -100 кг, +100 кг;
Жасөспірімдер: -57 кг, -63 кг, -70 кг, -78 кг, +78 кг.
Еске сала кетейік, бұдан бұрын қазақстандықтың дзюдодан әлемдік Grand Slam турнирінің күміс жүлдегері атанғанын жазған болатынбыз.