Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Алматыда дзюдодан Азия кубогы өтеді

2019 жылғы 16 сәуір 12:05 867
Бөлісіңіз:
Алматыда дзюдодан Азия кубогы өтеді

НҰР-СҰЛТАН. ҚазАқпарат - 20-21 сәуір күндері Алматы қаласындағы «Халық Арена» спорт кешенінде Бекет Сапабекұлы Махмұтовтың құрметіне арналған жасөспірімдер мен жастар арасында дзюдодан Азия кубогы өтеді, деп хабарлайды қазАқпарат тілшісі.

Ұқсас жаңалықтар
Азия чемпиондары Қайпанов пен Қайсанов Италиядағы халықаралық турнирде бақ сынайды Түркістан облысында қазақ күресінен дәстүрлі халықаралық турнир аяқталды

ҚР Дзюдо федерациясы мәлім еткендей халықаралық дзюдо федерациясының (IJF) күнтізбесіне сәйкес өткізілгелі отырған әлемдік додаға 2002-2003 жылдары дүниеге келген жасөспірімдер мен 1999-2001 жылдары туған жас татами шеберлері қатысады.

IJF ережесіне сәйкес Азия кубогының жеңімпаздары мен жүлдегерлеріне рейтингтік ұпай қосылады. Жарыс жеңімпаздарына 100 ұпайдан берілсе, күміс жүлдегерге - 60, қола жүлдегерге - 40 ұпайдан беріледі.

Биыл үшінші рет ұйымдастырылып отырған Азия кубогына Қазақстан, Өзбекстан, Тәжікстан, Қырғызстан, Моңғолия және Ресейден барлығы 400-ден астам дзюдошы қатысады деп жоспарланған.

Жарыс әр күні сағат 10:00-де басталады. Ал финалдық кездесулер 20 сәуір күні  17:00-де басталса, 21 сәуір күні 16:30-да басталады.

Айта кетейік, Махмұтов Бекет Сапабекұлы - Қазақстан Дзюдо федерациясының құрметті президенті. Ол 2009-2012 жылдар аралығында Қазақстан Дзюдо федерациясының Президенті, сондай-ақ, Азия Дзюдо Одағының вице-президенті қызметін атқарған.

 

 

Біздің каналымызға жазылыңыз:

Басты сөздер: Спорт, Алматы,
Бөлісіңіз:

Автор:

Күнсұлтан Отарбай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT