00:01, 04 Қыркүйек 2015 | GMT +6
Алматыда дүңгіршек өртенді: ішінен бір адамның мәйіті табылды
АЛМАТЫ. ҚазАқпарат - Алматыда Ақсай-3 шағынауданындағы 62 үйге қарама қарсы орналасқан дүңгіршек өртенді. Ішінен бір адамның мүрдесі табылды.
Бұл туралы қалалық ТЖД баспасөз хатшысы Сандуғаш Баймұхамбетова хабарлады.
Өрт туралы хабарлама кешкі 9 шамасында түскен.
Жалын тілі 6 шаршы метр аумақты шарпыған. Өрт сөндірушілер дүңгіршектің ішінен бір адамның мүрдесін тапты. Əзірге оның кім екендігі, жынысы мен жасы белгісіз.
Іс материалдары қалалық ІІД-ге тапсырылды.