Алматыда дәрігерлер тапшы
Оның айтуынша, денсаулық сақтау ұйымдарында 216 дәрігер мен 214 орта медицина қызметкері тапшы.
«Медициналық ұйымдарда анестезиолог-реаниматологтар, жалпы тәжірибелік дәрігерлер, педиатрлар, учаскелік терапевтер, ересектер мен балалар невропатологтары, акушер- гинекологтар жетпейді»,- дейді Лаура Мырзағали.
Сонымен қатар, ол бұл мәселені шешу үшін 2021-2025 жылдарға арналған кадр тапшылығын жою жөніндегі жол картасы әзірленгенін атап өтті.
«Жол картасына сәйкес, 120-дан аса тапшы мамандық бойынша резиденттерді даярлауға жергілікті бюджеттен 1 оқу жылына 386 млн теңге сомасында қаржы бөлінді. Сондай-ақ, орта медициналық қызметкерлерді оқытуға 391 грант берілді және өте тапшы мамандықтар бойынша дәрігерлерге 10 қызметтік пәтер бөлу жоспарлануда»,- дейді ол.