+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Алматыда дәрі-дәрмек пен бетперде жеткілікті – Бақытжан Сағынтаев

2020 жылғы 27 қаңтар 17:51
Бөлісіңіз:
Алматыда дәрі-дәрмек пен бетперде жеткілікті – Бақытжан Сағынтаев

АЛМАТЫ. ҚазАқпарат – Алматыда халықаралық стандарттарға сәйкес коронавирус инфекцияның алдын алуға арналған нақты шаралар қабылданды. Бұл туралы қала әкімі Бақытжан Сағынтаев желідегі парақшасында жазды, деп хабарлайды ҚазАқпарат тілшісі.

Қала басшысының айтуынша , әуежай мен теміржол вокзалдары арқылы туристік және миграциялық лек өтетіндіктен жолаушыларды тексеру күшейтілді. Әуежайда коронавирус күдігі бар ауруларды оқшаулау үшін арнайы карантин палаталары ашылуда. Вирус тараған өңірлерден ұшып келген барлық рейстер ерекше бақылауға алынған.

Инфекцияны әкелу мен таратуды ескерту бойынша эпидемияға қарсы және санитарлық-профилактикалық шараларды жүзеге асырудың ведомствоаралық жоспары жасалды. Алматы әуежайының санитарлық-карантиндік пунктімен бірге оқу-жаттығу сабақтары өтті.

Қаланың медициналық ұйымдары мен медициналық қызметкерлері коронавирус инфекциясына күдіктелген ауруларды қабылдауға дайын. Дәрі-дәрмектің қажетті қоры жеткілікті, олардың ішінде парацетамол, ибупрофен, глюкоза ерітіндісі, физоерітінділер, преднизолон, дексаметазон, гепарин, контрика, сонымен қатар антибактериалды және вирусқа қарсы препараттар мен дезинфекциялық заттар бар.

Қаланың медмекемелерінде 690 мыңнан астам, ал резервте 1,3 млн бірреттік бетперде бар.

Қалалық инфекциялық ауруханада 20 төсегі бар бокс және жансақтау бөлімі ашылған. Егер жағдай күрделенетін болса, онда № 1 қалалық клиникалық ауруханада қосымша 200 төсек, № 2 балалар ауруханасында 20 төсек қосымша дайындалатын болады.

Алматы бойынша +7 (727) 382-35-36, 382-33-50 телефондары, Денсаулық сақтау министрлігінде 1406 нөмірі бойынша қауырт желі ұйымдастырылған.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT