Алматыда Central Asia Fashion Autumn 2014халықаралық күзгі сән көрмесі өтті

АЛМАТЫ. ҚазАқпарат - Алматыда Central Asia Fashion Autumn-2014 халықаралық күзгі сән көрмесіне 110 компания қатысты.

«Бұл жоғарғы нарыққа шығуға талпынып жүрген жас сәнгерлерге берілген үлкен мүмкіндік. Мұнда түрлі тақырыптағы ерлер мен әйелдерге балаларға арналған сумка, аксессуар, кешкі киімдер қойылды», - деді Central Asia Fashion көрмесінің ұйымдастырушысы Арслан Метин. Көрменің ашылуына белгілі қазақстандық кутурье Құралай Нұрқаділова да өзінің ресейліктермен біріге жасаған B&K жаңа брендінің өнімдерін қойды. Модельердің айтуынша, бұл Қазақстан нарығындағы тұңғыш сапасы жоғары, бағасы қолжетімді люкс класындағы киімдер. Алматылықтар назарына өз өнімдерін қазақстандық модельерлер Vesna брендімен Ирина Арсланова, De Guise брендімен Наргиз Тәжібаева ұсынды. Аумағы 20 500 шаршы метр көрмеге барлығы 110 компания, 8 шетелдік қауымдастықтың өкілі қатысқан.