Алматыда бірқатар көшеге су беру тоқтатылды

АЛМАТЫ. ҚазАқпарат – Алматыда Алмалы ауданында бірнеше сағатқа су беру тоқтатылды, деп хабарлайды ҚазАқпарат тілшісі.

«17 маусымда таңғы 9-14:00 аралығында Мақатаев –Райымбек –Мұратбаев -Есентай, Мақатаев–Гоголь–Мұратбаев-Қожамқұлов көшелеріндегі әкімшілік ғимараттар мен тұрғын үйлерге суық су беру уақытша тоқтатылады», -деді «Алматы Су» МКК баспасөз қызметінен.

Уақытша қолайсыздықтар бұл жерге жаңа су құбырының қосылуына байланысты туындап отыр.

Сусыз қалған әлеуметтік нысандар мен денсаулық сақтау нысандарына өтінім бойынша су жеткізілетін болады.