12:21, 31 Мамыр 2021 | GMT +6
Алматыда бір тәулікте 2 340 адам вакцина алды
АЛМАТЫ. ҚазАқпарат - Алматы қаласында бір тәулікте 2 340 адам коронавирусқа қарсы вакцина салдырды, деп хабарлайды ҚазАқпарат тілшісі.
Басқарма таратқан мәліметке қарағанда 30 мамыр күні 2 340 алматылық вакцина салдырған.
Биылғы жылдың 1 ақпаны мен 30 мамыр аралығында қалада барлығы 304 085 адамға екпе салынды.
Қалада 211 пункт жұмыс істеп тұр. 1 256 адамнан тұратын 307 егу бригадасы бар.
Сонымен қатар, 40 көшпелі мобильді бригада ұйымдастырылды.
«Қазіргі медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді» - деп нақтылады қоғамдық денсаулық сақтау басқармасы.