Алматыда бір аптада қайта вакцина алғандардың саны 42 мың адамға өсті
Оның айтуынша, Алматы қаласында КВИ жұқтыру бойынша тәулігіне 1900-2300 жағдай тіркеледі.
«КВИ апталық аурушаңдығы 740,1 жағдайға өсті. Яғни, қалада КВИ індетінің бесінші толқыны өсуін жалғастырды, бірақ, 27 қаңтардан бастап тұрақтану үрдісі тіркелді. Сонымен қатар, бір апта ішінде қайта вакциналанғандардың саны 42 мың адамға немесе 36% - ға артты. Бұл халық арасында иммундық қабатты 56,8%-ға дейін арттыруға мүмкіндік берді және аурудың тұрақтануына әсер етті. Осы қарқынды жалғастырсақ, біз тезірек «қызыл» аймақтан шығып, бұрынғы өмір қарқынына орала аламыз», - деді дәрігер.
Қаңтар айында КВИ аурушаңдығы алдыңғы аптадан 40% - ға, жыл басынан бері 18 есе өскен. Әсел Қалықованың сөзіне сенсек, науқастардың жас мөлшерін талдау бойынша 20-39 жас аралығындағы адамдардың үлесі 40% - дан 35% - ға дейін төмендеді. Олардан кейін ең көп зардап шеккен жас контингенті – 40-59 жас аралығындағы адамдар – 26%, 60 жастан асқан адамдар - 22%.
«Өткен аптада 14 жасқа дейінгі балалар арасында инфекцияның 5,4% - ға (1463-тен 1920 жағдайға дейін) және жасөспірімдер арасында 1% - ға (388-ден 589 жағдайға дейін), сондай-ақ 60 жастан асқан адамдар арасында 3% - ға (2530-дан 3262 жағдайға дейін) айтарлықтай өсуі тіркелді. 1 жасқа дейінгі балалар арасында, керісінше, 450 – ден 438 жағдайға дейін аздап төмендеу байқалады, бірақ барлық балалар арасында олардың үлесі айтарлықтай -22,8%»,- деді Әсел Қалықова.
Өткен аптада жұқтырғандар: жұмыспен қамту бойынша бұрынғысынша жұмыс істемейтін және өзін - өзі жұмыспен қамтыған адамдар - 33%, түрлі ұйымдар мен кеңселердің қызметкерлері - 22%, зейнеткерлер – 20%, мектеп оқушылары – 9% және мектеп жасына дейінгі балалар-6% -ды құрады.
Бір апта ішінде жұмыс істемейтіндер арасында аурушаңдық 3,2% – ға, оқушылар бойынша 2,6% - ға, зейнеткерлер бойынша 3,2% - ға төмендеді. Жұмыс орнында байланыс кезінде 3,3% – ға өсті. Отбасыларда инфекция 2,7% – ға және туыстарымен байланыс кезінде 0,8% – ға төмендеді.
Жұқтырудың ықтимал орындары бойынша өсім кварталішілік азық – түлік және азық – түлік емес дүкендерде – 2,1% - ға, метрода-1,2% - ға, «Ashyq» қатысушы объектілерде-0,7% - ға байқалады.
Автобустар мен троллейбустарда инфекция 4% – ға, азық – түлік сауда желілерінде – 1,6% - ға және дәріханаларда-1,1% - ға төмендеді.
Өткен аптада сырқаттанғандардың 97% жұқтырған негізгі жұқтыру орындары сауда объектілері – 38%, қоғамдық көлік – 22%, отбасыларда – 16%, базарлар – 10%, жұмыс орны бойынша – 6% және қонақта – 5% болып қалып отыр.
Айта кетейік, пандемия басталғалы Алматыда КВИ – дің 219880 жағдайы тіркелді, оның ішінде 2022 жылдың басынан бері – 36374 жағдай, ағымдағы жылдың 30 қаңтарында-1556 жағдайды құрады.