13:13, 24 Желтоқсан 2017 | GMT +6
Алматыда бетперде киген үшеу букмекерлік кеңсені тонап кетті
АЛМАТЫ. ҚазАқпарат - Алматыда белгісіз біреулер букмекерлік кеңсеге қарақшылық шабуыл жасады, деп хабарлайды ҚазАқпарат тілшісі.
Қылмыс мекеменің ішкі сыртқы камераларына түсіп қалған. Видео kris_p_almaty паблигінде жарияланды.
Оқиға бүгін таңғы 4:30-да болған. Бетперде киген үш ер адам букмекерлік кеңсеге кіріп келіп күзетшіні қорқытқан.
Қылмыскерлер айналасы 1 минутта кассадағы ақшаны алып қашып кеткен.
Әзірге бұл оқиға туралы қалалық ІІД ресми түсініктеме берген жоқ.